L FLA DL MUDAMËNT – GHERDËINA NTAN I TËMPS DL CORONAVIRUS: NA TESTIMUNIANZA
Gherdëina a mesa merz dl 2020. Nosta valeda coche la cunescian, cun l caderlé de persones y turisć, cun auti che strëfla ora per la Tresval ne ie nia plu da recunescër. La tiotena costanta tl dovia, sciche na melodia subliminela dla vita da unidì, te n colp stomia, lascian la lerch a na pultreda apocalitica. Na vijion mei ududa dant, che destacà nosc luesc da ch’la sensazion de normalità y de routine. Gherdëina, nia autramënter che gran pert dla ziteies y di paejes dloncora per l mond. L coronavirus ie unì adalerch zënza damandé, zënza tachelné: se nfregan de pesimënzes, de bujëns y di sentimënc dla persones.